من دئدیم عاشیقم آی قیز ، سن دئدین بوشلا آماندی

من دئدیم سن ده گؤزوم وار ، سن دئدین سئوگی یالاندی

من دئدیم شمعه تای اُول سن ، من ده پروانه تک اُوللام

سن دئدین بیر دایان اوغلان ، بول بو یول درده سالاندی

من دئدیم هئچ بولوسن کی نیه بو کونلوم اُولوب بیر کاسا قان

سن دئدین بَللیدی گؤز اُوخ دی قاشیمدا کی کاماندی

من دئدیم سئوگی منی بیر قوجا اوغلان الییب

سن دئدین آی قوجا مجنون یئری گئت ن..... جاواندی

بیر دیل قانماز اؤره گیم وار کی گتیریب دی زارا منی

دئییر گَره ک یئتیره سن او جفالی یـارا منی

گــؤرور سن کی گئجه یاری سی، بــاشلانیری اَدا لاری

نَــه دیل قانیر نَـه ده تاری ، ایستیر قـویـا بـارا منی

دئییره م کی اونو بوراخ ، اوندان سنه یانماز چیراغ

یانا یانا چکیر بیــر آخ ، ائدیر گـونی قارا منی

دئییره م کی باشی داشلی ، نه قالیبسان گؤزو یاشلی

چوخ گؤزه ل وار قلم قاشلی ، چکمه هی هی اورا منی

دئییر اورا چکمه سـؤزو، گره ک اولا یــاریـن اؤزو

ایندی ده لاپ سؤزون دوزو ، یئنـه قویـوب زورا منی

دلیم وار میر دیم جانانه چوخداندیر گرفتارم سنه

ماتم غظما فراغین من عزادارم سنه

نیلیم سنسیز سنه جاندان گرفتار اولموشام

عشقیوه قیمت ندیر منده خریدارم سنه

ای طبیب ای نوشدارو لبرین جان قیمتی

گل اوتور بالینمه چوخداندی بیمارم سنه

گوزلرم هر گون یولون بلکه دونر یارین گوزل

بی وجود اغیارلردن چوخ وفادارم سنه

هر کسی بیر طرحیده ادی بو دنیایه فلک

سن بو دونیاده گول اولدون نازنین خارم سنه

گردش دوران اگر مظلوم سالیب دیر چنگینه

سن ده ات تیره غمین جانا سپر دارم سنه

وای بلالی باشما ای وای منیم احوالیمه

سن منه یار اولمادین اما اوزوم یارم سنه

ساقیا دولدور ایچیم گورتار منی بو داریدن

یوخدی بیر شیرین خبر او بی وفا سرداریدن

عیبی یوخدور گرمنه دشمن ویریر دیل یارسی

نیلیم دنیانی گر السام یارا او یاریدن ؟

تا بهاران واردی من گلشن صفاسین گورمدیم

استمیر گونلوم فصفای گلشنی بیر خاریدن

بیر نچه مدتی غملر گونلومه معوا سالیب

بولمورم چکمیر نیه غم ال دله بیماریدن

بیر گوزل  گوز غنچه لب سالدی منه بو محنته

دنیا ویران اولسادا ال چکمرم من یاریدن

ای فلک اتین منی او غنچه لب دن سن کنار

باری بیر مونس گتیر اگاه اولا اسراریدن

منده مجنون تک سنی یاده سالیب هی اغلارام

غائب اولماز نازنین خوش خاطرین پنداریدن

شرح حالیم دیر گدیر بو مشق بیفرجامیده

هم فلک دن  هم عشق دن واردی شکایت تاریدن

بوز قورد دیاری دیر منیم وطنیم

تورك اوغلویام بو توپراخدیر كفنیم

دوغرانسا یولوندا منیم بدنیم

سندن آیریلمارام بابك دیاری

دنیانین ان غیرت مكانی سنسن

جهان باغسا گولی بهاری سنسن

عالم سارای اولسادا شاهی سنسن

سندن آیریلمارام بابك دیاری

آصلان لار یوردوسان قارتال سماسی

جانیم اولسون تورپاغی یین فداسی

قوی سسلنسین آزربایجان صداسی

سندن آیریلمارام بابك دیاری

بیر گون تورپاغیمی گئری آلارام

قاراباغا گوزل بیر یول سالارام

عومور بویی قاراباغدا قالارام

سندن آیریلمارام بابك دیاری

آراز آخیر آیریلیقدان آغلییر

اوره كلری بو یاره دن داغلییر

وارلیغیمی قارا باغا باغلییر

سندن آیریلمارام بابك دیاری

وطن گولسه او گون خوش گونوم اولار

او گولمه سه گوللر باغیمدا سولار

وطن آدی گلجك گوزلریم دولار

سندن آیریلمارام بابك دیاری

شیمشك گیبی سسلن وطن ساغ اولسون

تورك اوغلان لار تورك قیزلاری وار اولسون

دشمن لری پارچالانسین خار اولسون

سندن آیریلمارام بابك دیاری

سئل    گتیرسه   آپارار   سئل  ،  بو   بیزه قاعیده دی

یئل   گترسه   سُؤوُرار ،  چـون  كی   یئله  مائده دی

یوم  گوزون   اوتلا   گیلان  سانكی   ایازین  اینگی

هانكی  باغ  بوستان  اولور   چون   قارینا  فائیده دی

گئجه نی صوبحه قدر ،ثانیه ده یاتمامیشام
گؤزلیم آرخایین اول من سنی هئچ آتمامیشام
یوخدو محرم کی دییه م دردیمی،درمان آرایام
من کی سن تک اؤزومو موفته سینه ساتمامیشام

سن ویران یاریه ،یارا نئجه درمان تاپیلار
یارام اؤلدورمسه ده ،عمر بویی آخسامیشام
سن گئدنن،سنی آختارماق اؤلوبدور پیشه م
نفسیم تنگه گلن چاغدی،سنه چاتمامیشام
سن بیلیرسن و بوتون اهل صیداقت گؤزلیم
خالیصم سئوگیده من ،ذره هوس قاتمامیشام
بوتون عالمده ایه ر قالماسا دوزلوکدن اثر
دوزلوگو قایتارارام عالمه ،من ساخلامیشام
گئجه نی هامی یاتیبدی،بی منم -بیرده اؤزوم
من سحرلر سوراقیندا ،گئجه لر آغلامیشام
صبح اولور ،گونده چیخیر ، کیمسه اویانمیر،نه دییم
من بو یاتمیشلاری،قالیخیزماقا چوخ هایلامیشام
بیلمیرم ذن ائده جکسن کی داها کسمیر هوشوم
دردیدن زار و نزارم،گؤزلیم چاشمامیشام
هامی حجاج لرین رسیمیدی رمی جمره
من سنین زائرینم ،نفسیمیده داشلامیشام
سن گئدندن هله ده ایندیه جان گؤزلمیشه م
سن آتیبسان منی آما هله من آتمامیشام
هر زامان گلمه یه ماییلسن اوتانما چیخ گل
اوره ییمده من ازلدن سنه یئر ساخلامیشام

گول اویناسین خار آغلاسین بوغاز گولسون دار آغلاسین

 قوی یئره غم پیاله سین ، سیل گوزونون شلاله سین

 آل گونشین حواله سین ،شاخ قارا قوی قار آغلاسین

 یار ندن آغلاسین گرك؟ بویون بوكولسون آی فلك

دویونجا قویمادین گولك ، سیخ ناری قوی نار آغلاسین

 خزان یئلی اسن زامان ، شاختا آمان كسن زامان

 یار یاریلان كوسن زامان ، كیمسه كیمیم وار آغلاسین

 صبحه تیكیلدی گوزلریم ، داغلاری آشدی سوزلریم

 گیزلین الوودی كوزلریم ، نی اولدو نی زار آغلاسین

 ساقی گئتیر قدح لرین ، سرخوش اولاق درین درین

 سئوگی توتا كینین یئرین ، كین اوزو زار زار آغلاسین

 استاد شهریار.

تبریز اولگیدی

بیر گونی اوشدی خیال  تبریزه قوندی بوسیاق

اورگیم تبریزی ایستر  اولوبن توركه   دایاق

آذری ائللرینه دیللرینه قربان اولوب

اولكه نین باشچسیدی  عومر اوزونی مللت اویاق