ایچیرم گؤزلری یوللاردا قالان ساغلیغینا
درد الیندن اوره گی اوتدا یانان ساغلیغینا
چوخ یارالار یئمیشم دونیادا دوست آشنادان
ایچیرم دوست آدینا دوشمن اولان ساغلیغینا
وئرمیشیک یولداش اوچون بوردا جوان عؤمروموزو
ایچیرم یولداشا خاطیر قوجالان ساغلیغینا
یوخدو دوزلوک بو یالان دونیادا یولداشلیقدا
ایچیرم دوزلوک اولان یئرده یالان ساغلیغینا
دوز اولان دوسلوغا هئچ دونیادا قیمت یوخدور
ایچیرم جان وئره یولداشلیق آلان ساغلیغینا
دوز اگر دوست اولا دونیادا یورولماز هئچ کس
ایچیرم یولداشا خاطیر یورولان ساغلیغینا
چال عاشیق، چال سازی دوست عشقینه مجلیسلرده
ایچیرم یولداشین عشقینده چالان ساغلیغینا